ysgol gyfun
bro morgannwg

 

Aeth 4 o enillwyr Spelling Bee Ffrangeg Blwyddyn 7, Ysgol Gyfun Bro Morgannwg i gystadlu yn rownd ranbarthol De Cymru ar Ddydd Mercher 25ain Ebrill yn Ysgol Bryn Gwyn , Llanelli. Gwnaeth Brennig Davies, Elin Alexander, Manon Wiliam a Beth Humphreys yn ardderchog ar y dydd. Gyda Brennig yn dod yn gyntaf a Beth yn dod yn bedwerydd yn y gystadleuaeth ac felly bydd y ddau ohonynt yn mynd ymlaen i gystadlu yn rownd derfynol Cymru Cystadleuaeth y Spelling Bee 2012. Dymunwn bob dymuniad da iddyn nhw!

Ar ddydd Iau yr ail o Chwefror fe wnaeth Set 1 Mathemateg Blwyddyn 11 gymryd rhan yn UKMT - UK Intermediate Mathematical Challenge.  Mae’r her yn cael ei osod gan yr Ysgol Fathemateg ym Mhrifysgol Leeds ac mi wnaeth dros 3000 o ysgolion dros Brydain gymryd rhan yn yr her.

Mi ddaeth 4 aelod o’r dosbarth i’r brig yn yr her.  Enillodd Michael Scannell, Harri Williams ac Elis Jackson wobr efydd ac mi wnaeth Ronan Scott llwyddo i ennill wobr arian a’r wobr “Best in School”.

Fe wnaeth Miss Phillips gyflwyno’r pedwar ohonynt â thystysgrif.  Da iawn fechgyn!

Mae’r Pwyllgor Eco yn cwrdd bob dydd Gwener. Mae’r disgyblion wedi cyflawni awdit tymor y gaeaf ac am wneud awdit tymor y gwanwyn cyn diwedd y tymor hwn. Mae’r canlyniadau yn cael eu harddangos ar yr hysbysfwrdd Ysgol Eco. Mae’r hysbysfwrdd yn hysbysu disgyblion, athrawon ac ymwelwyr i’r Ysgol am weithgareddau Eco yr Ysgol, gan gynnwys y Côd Eco Ysgol gyfan.

Mae’r Ysgol wedi bod yn gwneud sawl gweithgaredd i godi ymwybyddiaeth am fasnach deg yn ystod pythefnos Masnach Deg 2012.

Mae aelodau Pwyllgor Eco y chweched dosbarth wedi bod yn arwain gweithgareddau a chystadlaethau gan ddefnyddio cynnyrch masnach deg. Maent hefyd wedi rhoi cyfle i ddisgyblion brofi bananas a siocled masnach deg am ddim yn ystod amser cinio ac egwyl.

Mae’r siop masnach deg wedi bod yn llwyddiant mawr, gyda’r siocled i gyd yn diflannu cyn diwedd yr wythnos gyntaf. Bu Pwyllgor Eco y chweched Dosbarth a dosbarth BAC blwyddyn 10 yn rhedeg y siop bob amser egwyl a chinio drwy gydol pythefnos Masnach Deg.

Mae Trent-Elliott Rees, Bl. 11 wedi cwblhau BTEC Edexcel Lefel 2 mewn Gwasanaethau Tân ac Achub yn y Gymuned mewn 12 mis, mae’r cymhwyster yma fel arfer yn cymryd 2 flynedd i’w gwblhau. Mae Trent wedi bod yn mynychu gweithdai yn wythnosol yn orsaf dân Roath. Roeddent yn cwblhau ymarferion ac fe gawsant gyfle i ddefnyddio’r offer wrth gwblhau’r cymhwyster. Penderfynodd Trent ei fod am ymuno â’r gwasanaeth dân ar ôl iddo helpu i ddelio gyda thân yn ei dŷ ei hun pan oedd yn 14.