Cerdd

Lefel: Uwch Gyfrannol a Safon Uwch

Bwrdd Arholi: CBAC


Pam Astudio Cerdd?

Fe fydd astudio cerdd ar y lefel yma yn dyst eich bod yn medru cyfuno nifer o sgiliau megis sgiliau academaidd, creadigol ac ymarferol yn ogystal â chael yr hunan ddisgyblaeth i ymarfer offeryn neu’r llais yn gyson er mwyn perfformio yn hyderus: sgiliau hynod bwysig ar gyfer gyrfa mewn unrhyw faes heriol.

Gofynion Mynediad

Disgwylir i chi ennill gradd uchel mewn TGAU yn ogystal a bod o safon gradd 5 o leiaf ar offeryn neu llais. Fe fyddai gradd 5 theori yn ddelfrydol ond nid yn hanfodol ar gyfer dilyn y cwrs yma.

Beth yw cynnwys y cwrs?

Bwriad y cwrs fydd i’ch:
  • annog i ddatblygu sgiliau perfformio, cyfansoddi a gwerthuso drwy adnabod a dadansoddi arddulliau o’r cyfnod Baroc i’r cyfoes.
  • paratoi i berfformio rhaglen estynedig mewn arholiad allanol.
  • annog i greu cyfansoddiadau a fydd yn defnyddio y wybodaeth a’r dealltwriaeth o’r elfennau cerddorol a astudiwyd wrth ddadansoddi a gwrando ar gerddoriaeth.
  • cynorthwyo i ddatblygu sgiliau cyfansoddi a thechnoleg gwybodaeth drwy ddefnyddio y feddalwedd ddiweddaraf wrth greu a sgorio eich gwaith.

Beth yw strwythur y cwrs?

Ceir tair uned yn y cwrs: MU1, MU2 a MU3 a dau faes astudiaeth – rhestr A a B.

MU1

Perfformio 15% – Arholiad allanol - Ebrill / Mai
8-10 munud o hyd (3 darn) o safon gradd 5 neu’n uwch – fel aelod o ensemble neu fel unawdydd. Rhaid i un darn fod yn adlewyrchu un o feysydd astudiaeth y cwrs a astudiwyd yn MU3 (Gwerthuso).

MU2

Cyfansoddi 15%– Gwaith cwrs i’w safoni’n allanol – Ebrill
Rhaid cwblhau dau gyfansoddiad gwrthgyferbyniol rhwng 4 – 8 munud o hyd. Dylai un cyfansoddiad adlewyrchu maes astudiaeth A (Gwerthuso)
 

MU3

Gwerthuso 20% - Arholiad dwy awr mewn dwy ran: fis Mai / Mehefin.

Rhan 1 (12%) – Arholiad gwerthuso ar y gweithiau gosod isod:
Cerddoriaeth Cerddorfaol
  1. JS Bach  -    Concerto Brandenburg Rhif 2 - Symudiad 1af
  2. Beethoven – Symffoni Rhif 5 yn C leiaf - Symudiad 1af
  3. Mendelssohn – Concerto i’r Ffidil – Symudiad 1af.
Caneuon o Gymru
  1. Mervyn Burtch 2 gan allan o ‘Tair o ganeuon Gwerin’
  2. Dilys Elwyn-Edwards 2 gan allan o ‘Caneuon y Tri Aderyn’
  3. Caryl Parry Jones ‘Pan Ddaw Yfory’ ac ‘Y Nos yng Nghaer Arianrhod’             
Rhan 2 (8%) – Arholiad cyffredinol ar arddulliau Baroc, Clasurol a Rhamantaidd a phrawf dirniadaeth clust ar draw, rhythm a gwaith harmoni.

Gyrfaoedd Posib

Mae astudio cerdd lefel A yn hanfodol os ydych am astudio’r pwnc yn y brifysgol neu am ddilyn cwrs perfformio mewn conservatoire.