Mae ein harwyddair “Dyro dy law i mi ac fe awn i ben y mynydd” yn crisialu ein nod o sichrau fod pob disgybl yn cyrraedd pendraw ei botensial a hynny gyda chymorth athrawon ymroddedig. Rydym yma i gydweithio i greu ysgol uwchradd cyfrwng Cymraeg o’r radd flaenaf. Disgwyliwn y safon gorau posib gan ein disgyblion ac fe wnawn ni ein gorau i roi pob cyfle ac arweiniad posib iddynt hwy.

Cenhadaeth i’r Disgybl
Nod yr ysgol yw i gynnig Addysg Gymraeg gyflawn i chi a thrwy hynny gwneud yn siwr eich bod yn cyrraedd y safonau uchaf posibl yn ôl eich gallu a’ch talentau. Fe wnawn ni hyn mewn awyrgylch sy’n eich cynnal ac sydd yn eich parchu fel unigolyn.

Cenhadaeth i’r Rhiant
Tra’n gweithio i wireddu ein cenhadaeth i’r disgybl, fe ymrwymwn i’ch cynnwys chi fel partner yn ein hymdrechion, ac i gyfathrebu’n glir ac yn onest yn ôl yr angen.

Cenhadaeth i’r Athro/Athrawes
Rydym am sicrhau cynnydd parhaus yn safonau yr ysgol ac fe wneid hyn drwy wneud yn siwr eich bod yn cyrraedd y safonau uchaf posibl yn ôl eich gallu a’ch talentau. Gwnawn hyn mewn awyrgylch sy’n eich cynnal, eich datblygu ac sydd yn eich parchu chi fel unigolyn.

Rwy’n gobeithio felly y cewch flas o’r hyn a gynigir yn Ysgol Y Fro drwy bori drwy dudalennau’r wefan hon. Rydym yn falch o’r hyn a grëwyd yma ers fis Medi 2000. Rwy’n gobeithio y byddwch chi’n rhannu’r balchder yma.

Dr Dylan Jones
Pennaeth