Datblygiad y Plentyn

Amcanion:

Bydd y cwrs yma yn rhoi cyfleoedd i ymgeiswyr ddatblygu eu meddwl beirniadol a rheoli amrywiaeth o adnoddau er mwyn datblygu eitemau sy'n addas i anghenion unigolion neu deuluoedd, a nodi dylanwad tueddiadau cyfredol, economi marchnad a  newid technolegol. Mae'n hyrwyddo dealltwriaeth o ddatblygiad cymdeithasol, emosiynol, corfforol a deallusol y plentyn a chaiff hyn ei ryng-gysylltu trwy astudio'r teulu, y gymuned a chyfrifoldeb bod yn rhieni. Bydd yn cynnig cyfleoedd i ymgeiswyr ddatblygu dealltwriaeth o ddinasyddiaeth trwy faterion perthnasol y pwnc.

Mae yna chwech uned i’r cwrs yma:

Uned 1 – Y teulu a’r plentyn

  • Mathau o deulu
  • Swyddogaethau/Cyfrifoldeb
  • Rolau
  • Perthnasoedd
  • Anabledd
  • Cefnogaeth i’r teulu a’r plentyn

Uned 2 – Bwyd ac Iechyd

  • Egwyddorion deiet iach
  • Nodau a thargedau dietegol
  • Anghenion dietegol arbennig
  • Diogelwch bwyd

Uned 3 – Beichiogrwydd

  • Paratoi am feichiogrwydd
  • Datblygiad y ffoetws
  • Gofal cyn-geni
  • Geni’r baban
  • Gofal ôl eni

Uned 4 – Datblygiad Corfforol

  • Y camau datblygiad corfforol y plentyn
  • Ffactorau’n effeithio ar ddatblygiad corfforol

Uned 5 – Datblygiad Deallusol

  • Ffactorau sy’n effeithio ar ddysgu
  • Camau datblygiad deallusol
  • Cymhorthion dysgu
  • Dysgu trwy chwarae
  • Mathau o chwarae

Uned 6 – Datblygiad cymdeithasol ac Emosiynol

  • Camau datblygiad cymdeithasol
  • Ffactorau’n effeithio ar ddatblygiad cymdeithasol
  • Camau datblygiad emosiynol
  • Ffactorau’n effeithio ar ddatblygiad emosiynol

Bydd yr arholiad yn cynnwys:

  1. Papur theori (40%) papur 1½ awr yw hwn.  Bydd pob cwestiwn yn orfodol. 
  2. Tasg a bennir gan y Bwrdd (30%). Tasg yn ffocysu ar y plentyn.  Bydd hon yn cael ei gosod gan y Bwrdd ac fe’i gwneir o dan amodau rheoledig. (Mis Ionawr Blwyddyn 11)
Bydd disgwyl i’r disgyblion  gyflawni:-
 
a)    gwaith ymchwil
b)    gwaith ymarferol

Bydd hwn yn cael ei gynnal yn mis Ionawr ym Mlwyddyn 11 ac yn para deg awr.

3. Gwaith cwrs – asesiad (30%).  Bydd hyn ar ffurf astudiaeth o blentyn.  Rhaid iddo gynnwys sylwi ar blentyn dros gyfnod o amser.  Mae’n rhan annatod o’r cwrs.  (Tymor 2/3 Blwyddyn 10).