ysgol gyfun
bro morgannwg

Aeth 4 o enillwyr Spelling Bee Ffrangeg Blwyddyn 7 Ysgol Gyfun Bro Morgannwg i gystadlu yn rownd ranbarthol De Cymru, Dydd Mercher 23ain Ebrill yn Ysgol Bryn Gwyn, Llanelli. Gwnaeth Joseff Nicholas, Jack Tweddle, Grace Bradbury ac Iestyn Fenn yn ardderchog ar y diwrnod. Fe ddaeth Joseff yn gyntaf a Jack yn ail yn y gystadleuaeth ac felly bydd y ddau ohonynt yn mynd ymlaen i gystadlu yn rownd derfynol Cymru yn Aberystwyth. Dymunwn bob dymuniad da iddyn nhw!

Tîm Rygbi Bl.9 Ysgol Gyfun Bro Morgannwg yw pencampwyr Y Fro ar ôl curo'r Bontfaen yn y rownd derfynol o 24-20. Roedd Tîm Rygbi Bl. 7 hefyd yn cystadlu yn erbyn y Bontfaen, ond yn anffodus cawsant eu curo 36 - 24 mewn gêm agos a chystadleuol iawn. Fe chwaraewyd y gemau yng Nghlwb Rygbi'r Barri, dydd Iau 18/4/13.

Rhes Gefn: Ben Clemett, Jack Rochefort, Rhys Beynon, Caleb Darwin, Bredon Scott, Lloyd Williams (Cymru a cyn-ddisgybl YGBM), Charlie Pegrum, Jac Evans, Ben Brown, Aled George, Owain Thomas-Jenkins, Rhodri Davies, Dylan Laity.

Rhes Flaen: Dafydd Smith, Gethin Evans (Bl.8), Keiron Griffiths, Ben Hunter (Bl.8), Ethan Stratton-Ross, Jack Harrison.
 

Ar ddydd Gwener cafodd rhai o ddisgyblion blwyddyn 9 y cyfle i fynd i Bencadlys Microsoft gyda’r adran Technoleg Gwybodaeth.  Pwrpas y dydd oedd rhoi blas ar raglennu gemau cyfrifiaduron drwy feddalwedd ‘Kodu’ sydd ar gael i’w lawr lwytho am ddim i bawb.

Ar ddydd Gwener 8fed Mawrth daeth 15 o ysgolion De Cymru at ei gilydd yng Ngholeg Caerdydd a’r Fro i gystadlu i fod yn Bencampwyr ‘Youth Speaks’ De Cymru.

Roedd Nia Fenn, Lois Aled a Caleb Darwin o Fl. 9 Ysgol Gyfun Bro Morgannwg yn cystadlu yn y gystadleuaeth Ganolradd. Roedd hi’n gystadleuaeth agos iawn gyda thîm St John Lloyd Catholic Comprehensive School o Lanelli yn ennill a thîm Ysgol Gyfun Bro Morgannwg yn ail. Gwnaeth Lois Aled ennill y wobr am siaradwraig orau.

Mae Lois Aled, Nia Fenn a Caleb Darwin yn parhau i lwyddo yng nghystadleuaeth Siarad Cyhoeddus y Rotari. Cynhaliwyd y gystadleuaeth yn Neuadd Ysgol Gyfun Bro Morgannwg ar nos Fawrth 19eg Chwefror ac roedd eu dadl “Are we clowns for Cloning?” yn fuddugol unwaith eto. Enillodd pob aelod o’r tîm wobrau unigol hefyd - Caleb Darwin y cynigydd gorau, Lois Aled y siaradwraig orau a Nia Fenn y gadeiryddes gorau. Llongyfarchiadau mawr i bob un ohonynt. Bydd y tîm yn mynd ymlaen i gystadlu yn y rownd nesaf.