ysgol gyfun
bro morgannwg

Mi fydd Lowri Jones disgybl Bl.8 yn perfformio gyda sêr cyflwyniad ‘Holiday on Ice’ pan ddaw i Gaerdydd ym mis Chwefror. Enillodd y cyfle i berfformio yn y sioe ar ôl perfformio darn hyd funud a hanner o flaen cyn-bencampwr Olympaidd Robin Cousins. Roedd Lowri yn cystadlu yn erbyn 33 sglefriwr iâ am y cyfle. Mi fydd hi hefyd yn cystadlu yn ei chystadleuaeth ryngwladol gyntaf i Brydain Fawr eleni. Dymunwn bob lwc iddi wrth iddi baratoi a pherfformio yn y sioe ym mis Chwefror.

 

Cynhaliwyd Cyngerdd Nadolig yn yr ysgol ar ddydd Llun 28ain o Dachwedd. Trefnwyd y noson gan ddwy aelod o’r chweched dosbarth fel rhan o’u prosiect Busnes. Roedd y neuadd yn orlawn gyda’r gynulleidfa yn mwynhau perfformiadau gan gerddorfa’r ysgol, corau Iau a Hŷn, cyflwyniadau dramatig Iau a Hŷn ac unawdau a deuawdau. Roedd y noson yn llwyddiant mawr, diolch i’r adrannau Cerdd a Drama am baratoi arlwy mor raenus. Rhoddwyd cyfraniad o’r elw tuag at elusen Clic Sargent – elusen cancr plant.

 

Llongyfarchiadau mawr i’r Cyflwyniad Dramatig Iau ac i Georgina Griggs yn  yr Unawd Sioe Gerdd ar fod yn fuddugol ar y llwyfan ac i Megan Morris ar ennill yr ail wobr yn yr Unawd Telyn. Gwobrwyd Megan hefyd fel telynores mwyaf addawol yr ŵyl. Am y tro cyntaf enillwyd gwobrau yng nghystadlaethau gwaith cartref yr Urdd am gyfansoddi barddoniaeth Bl. 9 gan Megan Thomason a bardd Bl. 12 + 13 gan Jacob Ellis.