Tasg 1: Reis a Phasta

Manylion Tasg 1

Briff: Mae reis a phasta'n dod yn fwyfwy poblogaidd ar fwydlenni bwytai fel dewis yn lle tatws.
Gan ddefnyddio pasta a reis, cynhyrchu a gweini pedair saig liwgar a diddorol y gallai cogydd eu cynnwys ar fwydlen ty bwyta.

Cynllun Marcio (20%) 40 marc (15 awr)

(a) Cynllunio'r dasg.
(b) Cyflawni'r dasg.
(c) Gwerthuso'r dasg.

(a) Cynllunio'r dasg: (10 marc)

  • Dylai ymgeiswyr ddefnyddio gwybodaeth a dealltwriaeth i gynllunio'r dasg.
  • Cyfiawnhau dewis o seigiau.

Er mwyn ennill marciau uchel yn y rhan hon, mae angen i ymgeiswyr ddangos eu bod nhw wedi ymchwilio i’r nwyddau dethol er mwyn iddynt allu gwneud dewis seigiau deallus i baratoi ar gyfer yr ymarferol.

Dylai’r fframwaith canlynol helpu wrth gyflawni’r ymchwiliad

  • Cost
  • Storio
  • Defnyddiau
  • Mathau/ amrywiaethau sydd ar gael
  • Gallu amryddawn
  • Rhwyddineb paratoi a choginio
  • Lliw, blas ac ansawdd
  • Gwerth maethol

Dyma’r ffyrdd mwyaf effeithiol o gyflawni’r ymchwiliad:

  • Sesiynau blasu
  • Treialu ryseitiau
  • Arddangosiadau o nwyddau dethol

Rhaid i’r ymgeiswyr ddewis detholiad o seigiau a fydd yn adlewyrchu nid yn unig y nwyddau ond hefyd eu sgìl fel cogydd. Cofiwch ddefnyddio’r rhestr wirio yn y rhan ‘sgiliau paratoi bwyd’ i sicrhau y caiff sgiliau lefel uchel eu cynnwys.

Ffordd dda o wneud hyn yw rhestru’r seigiau a ddewiswyd a nodi pa sgiliau a dulliau coginio a gaiff eu dangos e.e.

  • macaroni caws – gwneud saws, coginio pasta, berwi, gridyllu (ar ôl gorchuddio mewn caws a briwsion bara)
  • gateau mefus – dull chwisgo, sgiliau addurno, pobi

Paratoi cynllun ysgrifenedig i ddangos:

  • Y seigiau a ddewiswyd a’r rhesymau dros ddewis
  • Cynllun amser ac/ neu drefn y gwaith
  • Rhestr siopa

(b) Cyflawni'r dasg: (20 marc)

  • Bydd ymgeiswyr yn cyflawni'r dasg gan ddefnyddio gwybodaeth am a dealltwriaeth o iechyd, hylendid a diogelwch wrth baratoi, cynhyrchu a gweini seigiau.
  • Dylai ymgeiswyr ddangos defnydd o'r sgiliau canlynol:
    • hylendid personol
    • hylendid cegin
    • diogelwch (bwyd, hunan)
    • paratoi a chynhyrchu seigiau a ddewiswyd
    • cyflwyno seigiau gorffenedig.

Er mwyn ennill y marciau uchaf yn y rhan hon mae angen i ymgeiswyr ddangos:

  • Safonau uchel o hylendid personol e.e. gwisgo ffedog/ dillad gwyn, gwallt wedi clymu’n ôl, dim lliw ar yr ewinedd, dim gemwaith ayb.
  • Arferion hylendid personol da e.e. dim llyfu bysedd, blasu gyda llwy de lân ayb.
  • Defnydd diogel o gyfarpar, yn enwedig cyllyll, sosbenni ac offer trydanol
  • Dewis yr offer cywir e.e. y gyllell gywir ar gyfer torri, pilio ayb.
  • Defnydd o amrywiaeth eang o nwyddau yn y dasg a ddewiswyd e.e. nid seigiau caws i gyd ar gyfer cynnyrch llaeth.
  • Hylendid bwyd da e.e. cadw bwydydd darfodus yn yr oergell a pheidio â’u gadael ar y bwrdd, defnyddio profwyr tymheredd i sicrhau bod y bwyd wedi’i goginio (os oes ar gael)
  • Ardaloedd gwaith taclus, trefnus
  • Defnydd diogel o’r popty
  • Gweithio i amser
  • Gweithio’n annibynnol
  • Sgiliau technegol da
  • Ychydig wastraff bwyd
  • Dilyniant rhesymegol i’r gwaith e.e. mae angen gwneud bwyd y mae angen ei goginio am amser hir, ei setio, neu ei weini’n oer yn gyntaf
  • Amrywiaeth eang o sgiliau
  • Safon uchel y cyflwyniad terfynol e.e. rheoli cyfrannau, defnyddio garnais ac addurn, lliw da, tymheredd cywir, ansawdd cywir, blas da, dysglau gweini priodol

(c) Gwerthuso'r dasg (10 marc)

  • Bydd ymgeiswyr yn gwerthuso seigiau mewn perthynas â'r canlynol:
    • Derbyniol i'r defnyddiwr - blas, gwead ac ymddangosiad.
    • Addasrwydd y seigiau a ddewiswyd i'r dasg.
    • Cost y gyfran.
  • Awgrymiadau ar gyfer gwelliannau gan gyfeirio at y dasg a osodwyd.

Er mwyn cael y marciau uchaf yn y rhan hon, mae angen i ymgeiswyr drafod

  • Addasrwydd y seigiau a ddewiswyd – a adlewyrchodd y seigiau’r defnydd o’r nwydd yn y diwydiant – pam neu pam ddim?
  • Unrhyw newidiadau fyddent yn ei wneud i’r dewis seigiau a pham
  • Rheoli amser
  • Sut byddai cwsmeriaid (defnyddwyr) yn ystyried y seigiau o ran ymddangosiad, blas ac ansawdd?
  • Pa welliannau fyddent yn eu gwneud pe byddent yn ail-wneud y dasg a pham?
  • Maint a chost fesul cyfran (gweler y rhan rheoli a phrisio cyfrannau)

*Rhaid i'r gwaith ysgrifenedig cefnogol beidio â bod yn fwy na phedair tudalen o A4 neu'r hyn sy'n cyfateb. Ni roddir marciau am gyflwyniad.

 

Cynhyrchu Pasta